Takiye ki rui gili thi
Kaano se hoke quatra guzra hai
Aankhen to andhere me khuli theen
Par dikh sab saaf raha tha
Jo dikha
Wo samajh me nahi aaya
Laga kuchh dekha sa hai
Aur kuchh jo dekhna chaha
Honth dabe the
Chadhi saanse lene ka mann nahi tha
Ya bahot lambi majboori hai
Darr se kaan aur geele ho gaye
Seekha hai tumhara na hona
Ab achcha bhi lagne laga hai
Jee bhar ke fir dekha tumhe aaj
Humesha ki tarah hasti mili
Subah ke gaadhe neele rang me
Abhi milu tumhe
Abhi kahu ki ruk jaao
Abhi tumse apni zindagi maangu
Tumse muh modne ki bechaini
Aise hi raaton me khul parti hai
Socha gale lag ke saath me rote hain
Fir socha ki kya tum ro-ogi?
